終於等到《我們停戰吧》首映禮啦！
一早就收到預告，知道可盈公主今晚會偕同文龍王子一起出席。
但早前己經飛奔至港觀看口碑場的婕兮再也無能力參加首映禮啦！
哎，我無緣的公主啊！
結果，沒想到今晚最大的驚喜是～小小公主天若也盛裝出席啦！
原來是乖女說什麼也要參加老爸的盛事。
哈，看來王子老爸是今晚作夢也會笑啦！
林文龍個囡囡一啲都唔怯場。
林文龍唔畀囡囡做星二代：起碼讀完書先
藝人林文龍有份投資的電影《我們停戰吧！》舉行首映禮，太太郭可盈帶埋5歲大的囡囡津津現身支持丈夫，郭可盈透露原本未有安排明天要上學的囡囡出席，但囡囡堅持要現身支持爸爸。見津津面對鏡頭毫不怯場，更親吻爸爸，林文龍指女兒大膽，笑謂囡囡「兩個都黐到實」。
郭可盈被問會否為老公復出，她謂：「都希望遇到好嘅劇本。」至於林文龍有否力邀太太演出，他笑謂：「要用力邀架咩？如果適合嘅一定會用佢。」
談到囡囡在鏡頭前表現大膽，問到會否讓囡囡演出，林文龍說：「依家唔啦，起碼等佢讀完書先。（依家多星二代出道？）人哋啲星二代大個啦嘛。」郭可盈表示囡囡吸收力強，看過爸爸的演出即可一字不漏重演，她透露女兒未有表示想拍戲，但就很有天份。
問到對票房有沒有信心，林文龍說：「票房就冇人知喇，但拎咗咁多獎好開心，而且十場優先場反應好，有啲觀眾仲話會再買飛再睇。」至於有否信心在香港的電影頒獎禮中奪獎，他則表示平常心：「有好多強勁對手，有提名已經好開心，有獎就更加好啦。」郭可盈則指電影口碑好已是很好的鼓勵。
林文龍個囡囡同佢好似樣。
黃玉郎（右）見到林文龍個囡囡好興奮。
做訪問嗰陣，津津一度將頭埋喺爸爸嘅膊頭上，好嬌嗲。
雖然囡囡咁有表演天份，但係林文龍就唔畀佢做星二代...住，話要大個啲先喎。
津津真係表情多多。
郭可盈為咗撐老公，難得性感透視登場。
左起：楊受成、黃玉郎、黃柏高
on.cc東網專訊
on.cc東網 2015.09.13
婕兮亂語：
小津津完全搶晒風頭啊！
記者大人們好像一句都沒問關於電影的事厚！
不過沒關係，有見報就是好宣傳，希望電影票房能打平收支，
好讓第二部能順利進行啊！
處女作首映 林熹瞳倒奶同家姐玩咀嘴
藝人林熹瞳出席自編自導自演的電影《我們停戰吧!》首映禮，她隆重其事，身穿露肩長裙倒奶現身，佢仲不時烏低身整理裙擺，又與家姐陳聞平大玩咀嘴。
電影在海外影展勇奪27個獎項，她表示自己不評論票房成績，但十場優先場有八成入座率，尤如打了強心針，她亦透露第二部作品亦由她撰寫，目前積極於內地發掘一線女演員擔任女主角，她說：「第二部唔會做女主角，但係演其中一個角色，因為會打入內地市場，我喺香港都係新人，喺大陸就仲新！」不過她表示女主角人選仍在洽談中，未能透露細節。
on.cc東網專訊
on.cc東網 2015.09.13
譚耀文中秋開工 小朋友詐晒型
藝人譚耀文出席電影《我們停戰吧！》首映禮，片中客串的他表示已看過電影，對於電影在海外影展中奪27個獎項直言開心，笑謂太太的朋友質疑奪獎是否作假，他說：「佢哋話冇強卡士，冇緋聞，點解會拎咁多獎，我話細片唔使作假，大片作假咪拎百幾個獎！叫佢哋睇咗就知！」他亦透露太太會前來支持電影。
被問中秋有否需要工作？他說：「要呀。（小朋友詐型？）詐咗啦，買多幾個燈籠，早啲陪佢哋賞月，燒嘢食囉！」
on.cc東網專訊
on.cc東網 2015.09.13
林熹瞳計劃拍驚慄懸疑片 搵內地一線演員主演
電影《我們停戰吧！》今日就喺圓方舉行首映禮，電影由林文龍、林熹曈、黃玉郞一齊投資，呢套電影喺上映之前，已經喺海外嘅電影節攞咗27個獎。今晚艾威、張文慈、黃美棋、楊受成、蘇錦樑、林文龍太太郭可盈同囡囡林天若等等都有嚟到支持，林熹瞳同妹妹陳聞平影相嘅時候，仲扮鍚鍚0添。
林熹瞳就唔敢評論票房好唔好，佢話：「但之前聽啲發行講，話呢啲電影喺市面比較少，所以未必睇好，但之前十場優先場都賣得唔錯，叫做打咗支強心針。」林熹瞳又話依家寫咗另一個劇本，係一套驚慄懸疑片，叫做《只看看不見的東西》，到時想搵啲內地一線演員合作，但佢就話唔會做女主角，因為要票房有保證。問到搵咗咩內地一線演員，佢就就等落實先公布。
有份參演《我們停戰吧！》嘅譚耀文就話之前睇過試片，都係預期中嘅反應。譚耀文又話：「我家姐啲朋友問佢，話套戲又冇大卡士、又冇緋聞宣傳、又冇不和宣傳，點攞到27個獎，仲問係唔係造馬，我就同家姐講，話如果咁細個電影都要造馬，咁大電影咁要做過百個獎？」譚耀文就話中秋節要開工，而自己嘅小朋友都有投訴。
攝影：仇志德
蘋果日報 2015.09.13
郭可盈挺老公新戲 林文龍拒讓女兒當童星
林文龍、林熹瞳、譚耀文等昨日出席電影《我們停戰吧！》首映。林文龍太太郭可盈攜女兒現身，問到會否讓女兒當童星？ 林文龍直言現在不會。
新浪圖集 2015.09.13
《我們停戰吧！》首映
獲電影發展基金融資製作的電影《我們停戰吧！》今晚舉行首映禮。電影總開支975萬元，政府出資195萬元。
《我們停戰吧！》由陸天華執導，林文龍、林熹瞳、譚耀文和湯怡主演，透過描述一段不獲外界認同的師生戀，思考愛情本質和對香港的感情。
電影在海外奪得27個獎項，香港電影發展局秘書長馮永表示，電影製作團隊大多是本地資深電視從業員，電影榮獲多個國際奬項，足證他們的製作實力。
政府於2015年5月再為電影發展基金注資2億元，以增加本地電影製作和培育人才。2007年至今，基金共批准32項電影製作融資申請，涉及8,802萬元。
香港政府新聞網 2015.09.13
tag:林文龍, Frankie Lam, 電影首映禮, 我們停戰吧, The Merger, 譚耀文, Patrick Tam, 林熹瞳, Rachel Lam, 郭可盈, Kenix Kowk, 林天若, 津津, Tania Lam, 港片, 電影
文章標籤
全站熱搜
留言列表
